Nærings- og handelsminister Trond Giske har tidlegare uttalt seg negativt om sal av TV 2.

Les meir i Dagbladet, Kampanje og Dagens Næringsliv.

Ottar Grepstad minnest Erling Lægreid her.

På ein pressekonferanse i 22. november 2011 fekk Morten Sandøy Kringkastingsprisen for arbeidet som ankermann og programleiar i TV 2.

Grunngjevinga frå juryen:

Prisvinnaren i år ber ei tung bør på skuldrene sine. Han er ein av dei som personleg står ansvarleg for at nyhendespråket i den norske kommersielle kringkastaren har fått eit nynorsk preg.

Han er frå Førde, og har utdanninga si frå Journalisthøgskolen i Oslo. Etter ei tid i NRK gjekk han til den nyoppstarta kanalen TV 2 i Bergen. Der har han vore nyhendeanker, utanriksreporter og programleiar for Magasinet. Heile tida har han nytta ei klår og forståeleg nynorsk språkdrakt i formidlinga si, og har vore ein av berebjelkane for nynorsken i TV 2.

Då Kringkastingsringen i 1997 gjorde ei gransking av nynorskbruken i NRK Dagsrevyen og TV 2-nyhenda, overraska det mange at det var TV2 som kom best ut. Det synte seg at prisvinnaren i år skulle ha ein stor del av æra for den statistikken, og stod for 96 av dei 109 nynorskinnslaga i granskingsperioden.

Sjølv uttala han den gongen at han ikkje tykte det var så farleg om det er nynorsk eller bokmål, men at det viktigaste er at språket er klårt. Juryen har ikkje undersøkt om han framleis meiner dette, 14 år seinare, men legg heller ikkje stor vekt på det. Vi legg vekt på handling i ord, og prisvinnaren er ein som, takk vere godt språk, har sikra at nynorsken er ein umisteleg del av den språklege profilen til nyhenderedaksjonen han arbeider i.

Kringkastingsprisen 2011 går til Morten Sandøy i TV2-nyhenda og TV2 Nyhetskanalen.

Kringkastingsprisen blir delt ut til ei røyst som utmerkar seg med godt språk i radio eller fjernsyn og som på ein framifrå måte nyttar nynorsk eller dialekt i det daglege arbeidet. Kringkastingsringen har delt ut Kringkastingsprisen kvart år sidan 1978. Prisen er eit grafisk blad av kunstnaren Per Kleiva.

** Kringkastingsprisen 2011 til Morten Sandøy

Utdelinga skjer på Det Norske Teatret tysdag 22. november klokka 11:00

Kringkastingsprisen 2011 går til Morten Sandøy.

- Morten Sandøy er ein av berebjelkane for den språklege profilen TV 2-nyhenda har. Det er på dette området TV 2 verkeleg har vore ein konkurrent til NRK, mykje takk vera prisvinnaren, seier Martin Toft, styreleiar i Kringkastingsringen.

Sandøy er frå Førde, og er ankermann i TV2-nyhenda og programleiar for Magasinet. Har har vore i TV 2 sidan kanalen starta opp.

Kringkastingsprisen blir delt ut til ei røyst som utmerkar seg med godt språk i radio eller fjernsyn og som på ein framifrå måte nyttar nynorsk eller dialekt i det daglege arbeidet. Kringkastingsringen har delt ut Kringkastingsprisen kvart år sidan 1978. Prisen er eit grafisk blad av kunstnaren Per Kleiva.

Frå TV 2 kjem nyhendesjef Jan Ove Årsæther for å helsa prisvinnaren.

Pressa er velkommen til å møta prisvinnaren under utdelinga!

For meir informasjon:
Martin Toft, styreleiar, tlf. 415 14 038
Tarjei Vågstøl, dagleg leiar, tlf. 452 31 489

Sjå for liste over tidlegare prisvinnarar